Wararka ka imanaya degaanka Jannaale ee Gobolka Shabeellaha hoose ayaa sheegaya in xalay weerar cirka iyo dhulka ah lagu qaaday degaanka Jannaale.

Jannaale waxaa gacanta ku haya Xarakada AL-shabaab,iyaga oo la wareegay markii ay halkaasi ku weerareen Ciidamada Uganda oo saldhig kulahaa.

Howlgalka ayaa la sheegayaa in ay fuliyeen Ciidamo diyaarado ku dagay kaddibna uu dagaal ka dhacay degaanka.

Dagaalka intii uu socday ayaa sidoo kale la wariyay in ay jirtay duqeyn ay geysteen diyaaradaha aan duuliyaha lahayn.

Khasaaraha ka dhashay weerarka xalay lagu qaaday lama sheegin ilaa hadda,waxaana sidoo kale soo baxaya warar sheegaya in duqeyn ay dhacday.

Dowladda Soomaaliya iyo Mareykankuba wali kama hadlin weerarka Jannaale,Al-shabaab ayaa dhinacooda sheegay in weerarkaasi ay fashiliyeen.