Wasaaradda Maaliyadda Maamulka Puntland ayaa Maanta oo Talaado ah shaacisay in ay Carshuur kusoo rogtay Waqadda Dalaaq-muujinta ee Caddeyn ahaanta loo siiyo Haweenka la furo.

Wasaaradda ayaa sheegtay in ay ka qaadeyso lacag dhan $20 (Labaatan Dollar) oo canshuur ah kuna waajibeyso Ninka Xaaskiisa fura ee raaciya warqadda dalaaq-muujinta ah.

Ma sheegin Wasaaradda Halka lagu shubayo Lacagtaan ama la dhigayo, Balse go’aankaan ayay ku sheegtay in uu yahay mid ay dhaqan gelinayaan.

Wasaaradda Maaliyadda ayaa sheegtay in ay waddo qorshe ay ku qaadeyso Lacagaha Canshuurta dhinacyada ay ku waajibtay, si dhaqaalaha Puntland uu sare u kaco.

Dhanka kale Madaxweynaha Maamulka Puntland Cabdiwali Maxamed Cali Gaas ayaa sheegay in Dakhliga Soo gala Maamulkiisa iyo lacagaha ay bixiyaan aan sinneen.

Gaas ayaa intaa ku daray in Canshuurta Dekedaha iyo Garoomada Diyaaradaha aan ahayn kuwa joogtada ah ee lagu tashto, balse Canshuurta salfadhiso leh ay tahay Tan Dadka laga qaado.

Shaqo abuurka ayuu tibaaxay in ay ka qaybqaadato isaga oo tusaale usoo qaatay Maxkamadaha iyo Goobo kale oo maareyn kara Shaqo la’aanta.