Nicholas Haysom, Special UN Envoy to Somalia

Warqad kasoo baxday Wasaaradda Arrimaha dibadda ee Soomaaliya ayaa lagu sheegay in Wasaaradda Arraimaha dibadda ee Soomaaliya ay gaarsiisay xog-hayaha QM António Manuel de Oliveira Guterres cabasho kadhan ah ergayga xog-hayaha QM ee Soomaaliya oo fadhigiisu yahay Muqdisho Nicholas Haysom.

Warqadda Wasaaradda Arrimaha Dibadda Soomaalia

Warqadda ayaa lagu sheegay in Nicholas Haysom yahay diblomaasi aan Soomaaliya laga rabin kana shaqeyn Karin (Persona non-grata), wasaaradda arrimaha dibadda ee Soomaaliya ayaa sheegtay in iyada oo cuskaneysa diblomaasiyadda iyo xiriirka caalamiga ah ay dowladda Soomalaiyeed gudbisay in Nicholas Haysom yahay shaqsiyad aan looga baahnayan dalka Soomaaliya islamarkaasna aan kashaqeyn Karin.

Sababta tallaabadan loo qaaday ayay wasaaraddu ku sheegtay in Nicholas Haysom jebiyey dhaqankii iyo hab maamuuskii xafiiska QM ee Soomaaliya islamarkaasna uu faragelin toos ah kusameeyey arrimaha gudaha ee dalka.

Warqadda Wasaaradda arrimaha dibadda Soomaaliya ayaa dabajoogta xaashii uu Nicholas Haysom u diray 31-December-2018 wasiirka amniga gudaha ee Soomaaliya xildhibaan Maxamed Abuukar Islow.

Warqaddaas ayuu kaga hadlay saamaynta ka iman karta wararka sheegaya in ciidamo Soomaali ah oo ay taageerto Qaramada Midoobay inay ku lug lahaayeen qabashada Mukhtaar Roobow 13-kii bishan Diisambar, iyo dhimashada 15 rayid ah iyo dhaawaca laba qof oo kale oo dhaawacmay, iyo weliba qabqabashada 300 kale oo ku lug lahaa bannaanbaxyo dhacay saddexdaasi maalmood ee kala ahaa 13, 14 iyo 15-ka, dadkaasi oo 254 ka mid ah la hayey wax ka badan 48 saacood inkastoo la sii daayye muddadii u dhaxaysay 18-22-ka Diismabar.

Nicholas Hyasom waxa uu warqadda ku sheegya in dadka la qabqabtay la sheegya inay u badnaanyeen carruur.

Waxa uu sheegay in qaraararada Golaha Ammanaka ee Qaramada Midoobay ay adkaynayaan in kaalmada Qaramada Midoobay ay ku xidhnaanto ilaalinta xeerarka xuquuqda aadanaha. Waxa uu sheegya in Qaramada Midobay ay haatan taageero siiso ciidamada boolisika federaalka iyo ciidamada booliiska Koonfur Galbeed.

Waxa uu Haysom warqaddaasi ku sheeegay inuu warqad ka helay Midowga Yurub, Jarmalka iyo Britain kuwaasi oo u sheegay inay hakinayaan kaalmadii ay siin jireen ciiddamada boolisika Koonfur Galbeed iyaga oo sabab uga dhigaya hab dhaqanka ciidnaka booliiska Koonfur Galbeed ee xilligii doorashada iyo hadallo uu jeeeidyey Taliyaha ciidamada Koonfur Galbeed.

Waxa uu ku sheegay warqaddaasi in warar lagu kalsoon yahya ay u sheegeen in qabashda Mukhtara Roobow ay ka dambeeyeen ciidamada Itoobiya qaybtooda fadhigoodu yahay magaalada Baydhaba.

Waxa uu sheegay in muddo kooban lagu hayey xarunta ciidamada 3-aad ee Amisom oo ah kuwa kuwa Itoobiya kadibna lagu wareejiyey ciidamada amniga Soomaaliya.

Waxa uu sheegay inuu helay warqaddii ay wasaaradda amniga ka qortay xariga Roobow balse ee cuskatay inuusan kasoo wada bixiin shuruudihii dhaqan celinta iyo inuu hub iyo ciidan soo galiyey magaalada Baydhaba si uu xasilloni darro u abuuro.

Haysom waxa uu sheegay in haddii eedahaas la xaqiijiyo ay yihiin kuwo culus,. Hase yeeshee waxa uu sheegay inaan weli Roobow la hor keenin maxkamad, isla markaana aan dambi lagu soo oogin.

Haysom waxa uu ka dalabaday wasiirka Amniga Soomaaliya Maxmamed Abuukar Islow inuu sharraxaad ka bixiyo sharciga loo cuskadaay qabashada Roobow; ciidanka Soomaaliyeed ee hawsha fuliyey, iyo haddii ay taageero ka codsadeen ciidamada Itoobiya.

Waxaa kale oo uu ugu baaqay inuu soo sheego tallaabooyinka la qaaday si loogu baahdo xaaladda ay ku dhinteen dadkii dhintay iyo kuwa dhaawacmay intii u dhaxaysay 13-15 kii Diisambar, ciidamada hawsha ku jiray makrii uu socdeen banaanbaxyasa Baydhaba iyo su’aalo kale.

Isha: Wasaaradda Arrimaha dibadda Soomaaliya

VOA SOmali