Jiddka waaweyn ee magaalada Muqdisho ayaa subaxnimadii hore ee la xiray, sababtu waa xuska sanad guuradii 1aad ee ka soo wareegatay Qaraxii kadhacay isgoyska Zoobe ee KM5 oo dhacay 14-kii October 2017 maalin Sabti ah.

Ciidamada ayaa dadka lugeynaya baaris dheeraad ah ku sameynaya, halka gaadiidka iyo mootooyinka Bajaajta loo diidayo inay isaga kala gudbaan isgoysyada magaalada Muqdisho.

Qaraxyadii isgoyska Zoobe, Hotelka Naasahablood 2 iyo dugsiga tababarka Booliiska ayaa waxa ku geeriyooday 656 qof, waxaana ku dhawaacmay 340 qof.

Masuuliyiin ka tirsan dowladda federaalka Soomalaiya ayaa waxa ay tagayaan isgoyska Zoobe si ay uga qeyb galaan salaad janaaso-wadareed ah loogu duceynayo dadkii shacabka ahaa ee lagu laayay Qaraxyadaas.

Isgoyska Zoobe ayaa laga taagay taalo loo dhisay xusuusta 14-ka October oo lagu xusuusan doono muwaadiniintii Soomaaliyeed ee lagu laayay qaraxaasi.

Inkasta oo ay jiraan dad loo haysto eedda la xiriirra kulug lahaanshaha qarixii Zoobe haddana illaa hadda ma jirto cid qaadatay mas’uuliyadda qarixii Zoobe