Taliyaha Cusub ee Qaybta 21aad ee Ciidanka Xooga Dalka Soomaaliyeed S/guuto Yussuf Maxamed Cabdulqaadir “Kaanti” ayaa maanta lagu soo dhaweeyey Magaalada Cadaado ee Gobolka Galguduud.

Taliyaha Cusub qeybta 21 S/guuto Yusuf Maxamed Cabdulqaadir oo uu lasocdo Taliyihii hore ee Qeybta 21 aad Gen Cabdullahi Aadan Xuseen “Cirro” ayaa ka dagey goroonka diyaaradaha Cadaado waxaana halkaas ku soo dhaweeyey Saraakiisha qeybta 21aad ee Ciidanka Xoogga dalka Soomaaliyeed.

Taliyaha oo Cadaado ka dagey
soo dhaweynta taliyaha

Taliyaha cusub ee qeybta 21 aad S/guuto Yuusuf Maxamed ayaa Salaan ka qaatay Ciidanka Xoogga dalka,intaasi ka dib ayaa taliyaha loo Galbiyey dhismaha Taliska qeybta oo kuyaal dagmada Cadaado halkaas oo ay si kumeelgaara ugu shaqeeyaan.

Gen Carro Taliyihii hore qeybta ayaa u sharaxay taliyaha Cusub qaabka ay u shaqeeyaan Guutooyinka iyo Ururada ka tirsan 21 ee ka howlgala Bartamaha Soomaaliya ,waxa uuna sheegey in maalmaha soo socda ay dhaceyso Xaflada xil wareejinta.

S/guuto Yuusuf Maxamed Cabdulqaadir oo ah taliyaha Cusub ee qeybta 21 aad ayaa dhawaan taliyaha C.X.D.S. u magacaabay taliska qeybta.