Maamulka Somaliland ayaa shuruud ku xiray dib u billaabidda wadahadalka Dowladda Federaalka ah ee Soomaaliya iyo Maamulka Somaliland.

Wasiirka arrimaha Dibadda ee Somaliland Yaasiin Maxamuud Faratoon ayaa sheegay in wadahadalka ay Somaliland diyaar u tahay laakiin ay ka horreyso in la ballaariyo oo dalalka ka qeybgelayaa la kordhiyo.

Yaasiin,waxaa uu sheegay in kulankii ay madaxda Somaliland la qaateen Ergeyga Turkiga ee wadahadalkan u gogol xaaraya ay u sheegeen in Somaliland ay dooneyso in wadahadalka ay ku biiraan Waddo kale oo aysan shaacin.

Wasiir Yaasiin, ayaa sheegay Somaliland aysan hadal badan dooneyn islamarkaana Dowladda Turkiga ay dhowr jeer oo hore u dhex dhexaadisay Dowladda Federaalka ah iyo Somaliland.