Wasiirkii hore ee Wasaaradda Boostada iyo Isgaadhsiinta Maamulka Somaliland Maxamed Jaamac Abgaal ayaa sheegay in uu la xannuunsanayo Lacago dadweyne oo uu cunay.

Maxamed Jaamac oo ka xog warramayay Qiso ku dhacday ayaa sheegay in uu Xannuunsaday kadib markii Hantida Dadweynaha uu cunay.

Dhaqtar ayuu sheegay in uu u tagay si uu u ogaado Nuuca Xannuunka hayo, markii uu maray baarisne loo sheegay in Kellida Dhagax ugu jirto, isla markaana uu qabo Dhiig-kar.

Xannuunadaas laga sheegay ayuu tilmaamay in uu kasoo bogsanayo, balse waxa uu eedsanayo ay tahay Xowlo Dadweyne oo uu cunay mudadii uu hayay Xafiiska Wasaaradda Boostada iyo Isgaarsiinta Maamulka Somaliland.

Sababta keenta in lagu dhiirado ku tagri falka hantida Dadweynaha waxa uu sheegay in ay kala badan yihiin Baahida Wasiirka iyo Lacagaha loo qoondeeyay in uu qaato.

Shacabka waxa uu ka dalbaday in ay cafiyaan, maadaama uu ku dhiiraday in uu la wadaago Qisada Natiijada uu ka dhaxlay Xowlihii uu ka cunay, isaga oo sheegay in aan dib u qaban doonin Mas’uuliyad, si uu ugu fogaado waxa uu soo arkay.

Waa dhacdo ugub ah in bulshada ay maqnaan qof Xil haya ama soo qabtay oo cafis kaga dalbanaya kadib markii uu si gaar ah u istaacmaalay hanti dan guud ah.

Halkaan ka dhageyso Codka Maxamed Jaamac Wasiirkii hore Boostada iyo Isgaarsiinta Somaliland oo ka Xog waramaya Qisada uu la kulmay.

      1967809433256042