Madaxweynaah Maamul Goboleedka Puntland Siciid Cabdullahi Deni ayaa waxaa uu ka digay waxa uu ku sheegay daandaansi oo ay Somaliland ka waddo Gobolka Sanaag.

Siciid Cabdullahi Deni ayaa waxaa uu sheegay in Puntland ay wax badan is xakameyneysay sidoo kalena dadka jecel nabadda ay Puntland kula talinayeen in aysan colaad ku lug yeelan.

Waxaa uu ku baaqay in dadka Puntland ay karaamadooda difaacdaan haddii sida la sheegay la isku dayo in la soo weeraro.

Waxaa uu ka hadlayay kulankii maanta lagu daah furayay qorshaha Puntland ee shanta sanadood ee soo socota.