Maanta oo Khamiis ah ayaa lagu wadaa in magaalada Kismaayo ee gobolka Jubbada Hoose lagu soo gabagabeeyo shirka amniga ee dowlad goboleedyada dalka.

Waxaa shirkan ka qeybgalaya wasaradaha amniga ee dowlad goboleedyada Puntland, Jubbaland, Galmudug iyo sidoo kale K/galbeed.

Waxa uu daba socdaa shirkan mid ay madaxda maamullada ku yeesheen magaalada Garoowe, iyadoo ulajeedka ugu weyn yahay sidii loo dhisi lahaa ciidamo gaar ah oo maamulladan leeyihiin.

Sida qorshuhu yahay waxaa la filayaa in  shirkaan maanta galinka dambe lasoo gaban gabeeyo war murtiyeedna laga soo saaro.

Shalay ay aheed markii shirkaasi  madaxweynaha Jubaland Axmad Madoobe ka furay magaalada Kismaayo.