Wararka ka imanaya Magaalada Beledweyne ee Xarunta Gobolka Hiiraan ayaa sheegaya in halkaasi uu maanta qarax ka dhacay.

Qaraxa ayaa la sheegayaa in uu ka dhacay agagaarka Hotel hadda ka hor lagu dilay Cmar Xaashi oo ahaan jiray Wasiirkii arimaha gudaha ee dowladdii Sheekh Shariif.

Wariyaha Mustaqbal Radio ee Beledweyne ayaa sheegay in qaraxaasi uusan khasaare geysan islamarkana ahaa miino la dhigay waddada dhinaceeda.

Todobaadkan ayaa sidoo kale waxaa uu qarax ka dhacay Guri ku yaalla Xaafadda Kooshin ee Beledweyne halkaas oo ay ku dhaawacantay hal Gabar.

Inta badan Al-shabaab ayaa sheegta mas’uuliyadda dilalka iyo qaraxyada ka dhaca Magaalada Beledweyne ee Xarunta Gobolka Hiiraan.