Wararka naga soo garaya Magaalada Garowe ee Xarunta Maamulka Puntland ayaa sheegaya in Guddiga difaaca Puntland ay magaalada kaga dhawaqeen dagaal ay sheegeen in ay ku xoreynayaan Gobolka Sool.

Wasiirka arrimaha Gudaha Maamulka Puntland Cabdullahi Timacadde oo ka mid ah Guddiga difaaca Maamulka Puntland ayaa sheegay in amar uu bixiyay C/Wali Gaas lagu howlgalayo.

Waxaa uu sheegay in C/Wali Maxamed Cali Gaas, Madaxweynaha Puntland uu amar ku bixiyay in la xiro xudduudaha Maamulka Puntland islamarkaana loo diyaar garoobo waxa uu ku sheegay Xoreynta Gobolka Sool.

Wasiirk Timacadde ayaa xubnaha Beesha Caalamka uga digay waxa uu ku sheegay wadahadallada Nabadda ah ee ay ka dhexwadaan labada Maamul,waxaana uu xusay in Puntland xoreneyso Gobolka Sool.