Guddiga dhowrista xuquuqda lahaanshaha ee dalka Kenya ayaa sheegay in sharikad laga leeyahay dalka Ingiriiska ay dowladda ku heysato muusigga astaanta qaranka ee Kenya.

Xeerarka xuquuq lahaanshaha ayaa dhigaya in milkiyadda shey kasta ay dhaceyso 50 sano kaddib marka qof ama hay’ad qaadato.

Muusigga qaranka Kenya ayaa dhacday sanadkii 2013kii dibna looma cusbooneysiin,waxaana hadda ku heysta sharikad dhinaca musigga ah oo lagu magacaabo Dewolfe Music.

Guddigu waxaa ay sheegeen in inkasta oo dowladda ay ka daahday dib u cusbooneysiinta Muusigga astaanta Qaranka haddana ay waajib tahay in la difaaco maaddaama ay tahay hanta qaran.

Arrintan ayaa dhalatay markii qof Kenyaan ah uu Yuotube-ka geliyay muuqaal wata muusigga qaranka Kenya,waxaana Youtube dacwad u gudbisay sharikadda laga leeyahay Ingiriiska,taas ayaana sababtay doodda la xiriirta xuquuqda lahaanshaha muusigga qaranka Kenya.