Tababaraha kooxda Manchester United ee Jose Mourinho ayaa ka hadlay wararka sheegaya in Alexis Sanchez uu ka tagayo kooxdiisa suuqa Janaayo.

Alexis Sanchez ayaa sanad ka hor kuso biiray Manchester United markaas oo uu kasoo dhaqaaqay Arsenal, laakiin wuxuu ku dhibtoonayaa inuu boos joogto ah ka helo kooxda macalin Mourinho..

Waxaa soo baxay warar sheegaya in laacibku uu qorshaynayo inuu ka tago Man United bisha Janaayo, balse tababare Mourinho ayaa ka hadlay arintaasi wuxuuna yiri”.

“Ma u malaynayo inuu baxayo Waayo marnaba iima sheegin inuu doonayo inuu baxo, ama inuusan ku faraxsanayn la joogitaankeena”.

“Waa uu soo wanaagsanaanayaa qaab ciyaareedkiisa si lamid ah kooxda inteeda kale, marka uu ciyaarayo wuxuu na siinayaa shaqsiyadiisa iyo xifradiisa ciyaareed, wuxuu isku dayaa inuu la qabsado qaab ciyaareed keena”.

“Waxaan rumaysanahay in qof walba uu sameeyo wixii u wanaagsan” ayuu yiri Tababare Jose oo ka hadlayay Mustaqbalka Sanches.