Maxkamada Ciidamada Qalabka sida, waxey Saaka xukun dil toogasho ah ku fulisay mid kamid ah ragii loo soo qabtay Masuuliyada qarixii lagu la’day ee isgoyska Zoobe.

Ninka Saaka la toogtay, waxaa lagu magacaabaa Xasan Aadan Isaaq Cali, Waana Ninka lagu soo qabtay isagoo wata gaari NOA-ah oo ay saranaayeen walxaha qarxa, xiligaas waxa uu ku sugnaa Isgoyska Ceel Qaloow ee degmada Wadajir.

Gudoomiyaha Maxkamada Ciidamada qalabka sida Gaashaanle Sare Xasan Cali Nuur Shuute, ayaa Mustaqbal u xaqiijiyay toogashada lagu fuliyay Ninkaasi 8-da bil xirnaa isagoo xukuman.

Si Kastaba, Maxkamada Ciidamada, ayaa xukunkan ku riday Xasan Aadan Isaaq Cali ,  February 6, 2018, Maanta ayaana ugu dnabeyn lagu fuliyay Xukunka.

Sidoo kale xiligaasi, waxaa lala xukumay Marxuumka Saaka la toogtay rag kale oo lala soo qabtay, wuxuuna xukunkooda ahaa sidan:

C/laahi Ibraahin Xasan Absuge oo Maqan waxaa lagu Xukumay Xabsi Daa’in.

C/Wali Axmed Diiriye waxaa lagu Xukumay Saddex Sano oo Xabsi ah.

Maxkamada Ciidamada Qalabka sida ayaa amartay in xuriyadooda la siiyo  Maxamuud Xasan Rooble iyo Cabdul Cabdi Warsame Cali  kadib markii Maxkamada ragan ku weysa wax dambi ah.

Waa markii u horeysay ee Toogasho la fuliyo tan iyo markii xilka Madaxweynaha Somaliya loo soo magacaabay Madaxweyne Farmaajo Sanadii hore bilowgeeda.