Madaxweynaha Maamulka Hir-Shabeelle Maxamed Cabdi Waare iyo mas’uuliyiin katirsan maamulkiisa ayaa Maanta Kormeer Ku sameeyay Deegaanno dhowr ah.

Goobaha ay tageen waxaa kamid ah Xeebeedka Ceel Cade, Garoonkii Diyaaradaha ee Cisaley iyo goobo kale.

Socdaalka Madaxweyne Waare waxaa ku wehliyay Wasiirka Arrimaha Gudaha Hir-Shabeelle Maxamed Cali Caadle, Gudoomiyaha Gobolka Shabeelaha Dhexe Axmed Meyre Makaraan Iyo Masuuliyiin kale.

Dekedii Macmalka ahayd ee Ceel Cade waxaa laga soo dejin jiray Shidaalka iyo Badeecado kale Sidoo kale Madaxweynaha Wuxuu Soo indho indheeyay Garoonkii Diyaaradaha Cisaley ee Gobolka Shabeellaha Dhexe.

Madaxweynaha Maamulka Hir-Shabeelle ayaa tagay Isbitaalka Keysaney, halkaas oo ay kula kulmeen maamulka iyo shaqaalaha Isbitaalka.

Waxa uu Waare ka tacsiyeeyay Dhacdo Todobaadkii hore ka dhacday gudaha Isbitaalka kadib markii Nin dhaawac ahaan loogu geeyay in loogu daweeyo lagu dhex dilay Isbitaalka.