Cabdulqaadir Aadan Jeelle Wasiirka Amniga iyo Dhaqan celinta Maleeshiyaadka Maamulka Hir-Shabeelle oo kulan gaar ah la qaatay Senatarada Aqalka sare ee kasoo jeeda Deegaanada Hir-Shabeelle waxa uu la wadaagay cabashada ay ka qabaaan qorshaha lagu bixinayo kun kamid ah Ciidamada AMISOM.

28-ka Bishaan ayaa lagu wadaa in Hir-Shabeelle laga saaro  1,000 askari oo ka socda Dalka Burundi kana howlgala Cadale, Xaaji Cali iyo Raage Ceele oo katirsan Gobolka Shabeelaha Dhexe.

Waxa uu tilmaamay in arrintaan ay ku noqotay Uur ku taallo, sidaas awgeed Golaha Aqalka sare ay ugu soo bandhigeen in ay la socdaan.

Senator Cismaan Maxamed Macow oo deegaan Doorashadiisu tahay Hir-Shabeelle ayaa sheegay in Golaha Aqalka sare uu la wadaagi doono Cabashadaan.

Macow ayaa tilmaamay in ay wakiil ka yihiin Dowlad Goboleedyada, kuna dhaqaaqi doonaan waxyaabaha lagu maareyn karo Cabashadaan.