Laacibiinta hogaamiya kooxda Man City ee Leroy Sane iyo David Silva oo hogaaminaya xidigaha u tar-tarmayi doono abaalmarinta xidiga bishii November.

City ayaa dhamaan wada badisay kulamadii bishii hore iyaga oo dhaliyay 13 gool kulamadii 3-da ahaa ee ay ciyaareen premier league.

Waxa ay 6 gool ka dhaliyeen Southampton ka hor inta ayna Man United ka badin si la mid ah 4 gool kaga badin kooxda West Ham.

 Xiddiag reer England ee Raheem Sterling ayaa laf dhabar u aha kooxdiisa Bishaas isaga oo 2 gool ka dhaliyay kulamadii ay kooxdiisu ciyaartay bishii hore.

Sane ayaa dhanka kale dib u helay qaab ciyaareedkiisii cajiibka ahaa isaga oo dhaliyay 2 gool kulankii West Ham sidoo kale gool dhaliyay kulankii Southampton.

Silva oo kabtan u ah kooxda bishii hore ayaa dhaliyay 3 gool kulamadii ay ciyaartay man city bishii la soo dhaafay.

Xiddiga daafaca uga ciyaara Liverpool ee Andy Robertson ayaa sidoo kale ku tartamaya abaalmarinta bisha kadib markii uu xiddiga reer Scotland qaab ciyaareed cajiib ah soo bandhigay.

Xiddiga kooxda West Ham ee Felipe Anderson ayaa sidoo kale ka mid ah xiddigaha u tartamaya abaalmarinta kadib 3 gool oo uu dhaliyay bishii November.

Si la mid ah xiddiga Tottenham ee Moussa Sissoko iyo daafaca kooxda Everton ee Lucas Digne ayaa ku soo baxay Liiska 7-da xiddig ee u tartamaya abaalmarinta.