Maamulka Jubaland ayaa sheegay in uu diyaar u yahay in la xalliyo tabashooyinka ay qabaan dadka Gobolka Gedo ee diiddan Maamulka uu Madaxweyne ku xigeenka ka yahay Maxamiid Sayid Aadan.

Maxamuud ayaa Odayaasha dhaqanka ee Gobolka Gedo kula kulmay Magaalada Garbahaarey,waxaana uu xusay in kulankaasi ahaa is wareysi iyo in uu dhageysto cabashada dadka Gobolka Gedo.

Madaxweyne ku xigeenka Jubaland ayaa sheegay in Degmooyinka Gobolka Gedo sida Buurdhuubo, Garbahaarreey, BeledXaawo,Ceel Cadde, Tuulo Barwaaqo iyo Baardheerey ay kala xiranyihiin oo aan la isaga kala gudbi karin.

Maamulka Jubaland ayaa ballan qaaday in uu isu furayo Waddooyinka ay go’doomiyeen Al-shabaab, dadka Gobolka Gedona laga doonayo in ay maamulka la shaqeeyaan.

Jubaland ayaa diyaarisay Ciidamo Al-shababa kala wareega Magaalooyin ku yaalla Gobollada Jubbooyinka sida Bu’aale oo ka tirsan Jubada dhexe iyo Badhaadhe oo ka tirsan Jubada hoose.