Guddoomiyaha cusub ee Baarlamaanka Puntland ayaa soo saaray Habraaca doorashada Madaxweynaha Maamulka Puntland oo la filayo in ay qabsoonto 8dda Bishan oo ku beegan Talaadada soo socota.

Guddiga doorashada ayuu ku sheegay in ay noqonayaan 7 Xubnood,kuwaas oo kaalmeyn ka helaya ku simaha Xoghayaha iyo xogheynta guud.

Shuruudaha waxaa ka mid ah in Ragga u tartamaya Madaxweynaha laga qaado $20,000 oo doollar oo diiwaangelin ah iyo Madaxweyne ku xigeenka Ragga u tartamaya laga qaadayo $10,000 oo doollar.

Waxyaabaha reebban waxaa ka mid ah in qofka uusan isu sharrixi karin Madaxweynaha iyo ku xigeenkiisa.

Waxaa kale oo Musharrixiinta laga doonayaa in aysan Xuquuqdooda Muwaaddinnimo hakinin Maxkamad shantii sano ee la soo dhaafay.

No photo description available.

Image may contain: text