Magaalada Baladweyne waxaa maanta lagu dilay Arday dhiganayay Dugsiga sare ee Mujamc oo ku yaalla Xaafadda Kooshin, waxaana dilay Arday ay isku fasal ahaayeen.

Saciid Maxamed Axmed oo kamid ah Ardayda Iskuulka Dilkaan uu dhacay oo la hadlay Mustaqbal ayaa sheegay in Cumar Maxamed Guure uu ku baxay Gacanta Arday magaciisa lagu soo koobay Shuceyb.

Arday kale oo dhigata Iskuulkaan ayaa Mustaqbal u sheegay in ay shalay mar is qabteen Labadaan Arday balse maanta uu dilka dhacay.

Cumar iyo Ardayda kale ee Iskuulka ayaa isku diyaarinayay in ay galaan Fasaladooda si ay u qaataan duruusta maalinlaha, balse inta aan ardayda Xaroon ama aan Gelin Fasalada waxaa Toorey ku dhuftay Shuceyb sida ay inoo sheegeen qaar kamid ah Ardayda.

Waxaa loo qaaday mid kamid ah isbitaalada Magaalada Baladweyne, inkastoo aan suurta galin in la daweeyo, maadama la kulanka dhaqtarka kahor uu geeriyooday.

Shuceyb ayaa isku dayay in uu baxsado, waxaa gacanta ku dhigay Ardayda iyo maamulka Iskuulka oo u dhiibay Ciidamada Booliiska oo dhacdadaan kolkii ay maqneen ku baxeen.

Halkaan ka dhageyso Wareysiga oo dhammeystiran:

      Wareysi Arday kamid ah iskuulka Baladweyne