Ugu yaraan 7 Qof ayaa ku geeriyootay halka tiro intaas ka badan ay ku dhaawacmeen qarax maanta ka dhacay degaanka Goofguduud  Buurey ee Gobolka Baay.

Qaraxa ayaa ka dhacay Suuq Xoolaha lagu kala iibsado oo la isugu tago maalinta Arbacada ah,waxaana qaraxaasi ka dhashay khasaare isugu jira dhimasho iyo dhaawac.

Isbitaalka Magaalada Baydhaba ee Gobolka Baay ayaa la geeyay dhaawacyada iyo qaar ka mid ah meydadka qaraxa wax ku noqday.

Degaankan oo 30KM u jira Magaalada Baydhaba ayaa dhowrkii sano ee la soo dhaafay waxaa dhowr jeer kala qabsaday Ciidamada dowladda iyo Al-shabaab.

La soco wixii soo kordha