Ciidamada Dowladda Jabuuti ee xalay ka tagay Magaalada Jowhar, deegaanno dhowr ahne ay ku weerareen Al-Shabaab ayaa maanta tagay Degmada Jalalaqsi ee Gobolka Hiiraan.

Degmadaan ay maanta tageen ayay kolkii hore kasoo ambabaxeen shalay, iyaga oo Magaalada Jowhar u yimid in ay wadaan Gawaari Militari oo loo keenay.

Dagaalka ku qabsaday Deegaanada Kiliga Shiinaha, Dhiin-Garas iyo Buurane, kadib waxa ay go’aan sadeen in ay hoydaan Deegaanka Fiidow.

Gaadiidkaan ayaa qorshuhu ahaa in Magaalada Jalalqsi ay geeyaan ciidamo dhowaan badal lagu sameeyay balse dib u dhac ku yimid awgii shalay looga dajiyay Garoonka Diyaaradaha ee Jowhar.

Duhurnimadii maanta ayay Ciidamada AMISOM tageen Magaalada Jalalaqsi ee Gobolka Hiiraan oo ay u socdeen.

Saldhig ay ku leeyihiin Jalalaqsi ayay Ciidamadaan la galeen Xeradooda sida Mustaqbal uu u sheegay Gudoomiyaha jalalaqsi Maxamed Nuur Dabaashe.

Al-Shabaab ayaa sheegtay in Khasaare dhimasho iyo dhaawac ay gaarsiiyeen Ciidamada Jabuuti ee ku jira Howlgalka AMISOM oo ay weerarka ku qaadeen.

Ma jiro ilo wareed xaqiijinaya khasaaraha dhabta ee kala gaaray Ciidamada Jabuuti ee ku jira Howlgalka AMISOM iyo Al-Shabaab.