Hogaamiyayaasha horyaalka Spain ee Barcelona ayaa ugu dambeyn ku dhawaaqday in ay heshiis cusub oo waqti dheer ah ka saxiixatay Daafaceeda Jordi Alba.

Daafaca reer Spain ee Jordi Alba ayaa qalinka ku duugay heshiis cusub oo uu Barcelona la sii joogi doono ilaa xagaaga 2024.

Qandaraaskiisii hore ee Barcelona ayaa ku ekaa sanadka 2020 balse xiligaan waxaan uu ka dhigay ilaa 2024.

Jordi Alba ayaa ka mid ahaa xidigaha aadka looga doon doonayay suuqa kala iibsiga ciyaartoyda wuxuuna diirada u saarnaa kooxda Man United.