Dhaq dhaqaaqa Al-shabab ayaa sheegay in Askari Mareykan ah uu ku dhintay labo kalena ku dhaawacmeen dagaal xalay ka dhacay degaanka Daarsalaam ee Gobolka Shabeellaha hoose.

Al-shabaab waxaa ay sheegeen in Ciidamo isku dhaf ah oo ka socda Dowladda Soomaaliya iyo kuwa Mareykanka ay weerareen degaankaas oo 7km u jira Magaalada Awdheegle ee Gobolka Shabeellaha hoose.

Weerarkan oo dowladda Soomaaliya iyo Taliska Mareykanka ee Afrika aysan wali ka hadlin ayaa waxaa ay Al-shabaab sidoo kale sheegtay in saanad hub ah ka heshay goobtii lagu dagaallamay.

Al-shabab waxaa ay sheegeen in markii dagaalka uu cabbaar socday ay Ciidamada isbaheysanayay diyaarado adeegsadeen duqeynta dhacdayna ay ku dhaawacmeen dad rayid ah.