Wararka ka imanaya degaanka Masaajid Cali-guduud ee Gobolk Shabeellaha dhexe ayaa sheegaya in halkaasi xalay ilaa saaka ay ku dagaallameen AL-shabaab iyo kooxda la baxday Macaawisley.

Axmed Dhegey, waxaa uu ka mid yahay hoggaamiyayaasha kooxdan, wareysi uu siiyay Idaacadda Mustaqbal waxaa uu ku sheegay in iyaga ay weerareen degaankaas oo ay ku sugnaayeen Al-shabaab.

Waxaa uu intaas raaciyay in shan ka mid ah Al-shabaab ay ku dileen weerarkaas iyaguna uu khasaare dhaawac ku eg ka soo gaaray.

Axmed ayaa sheegay in degaanka ay kal qabsadeen dagaalkii dhacay xalay gelinkii dambe ilaa saaka waabarigii mar dambana ay dib uga soo baxeen degaankaas.

Ma jiro wax war ah oo ka soo baxay dhinaca Al-shabaab kuna saabsan dagaalka xalay ka dhacay degaanka Masaajid Cali-guduud.

Kooxdan Macaawisleyda la baxday ayaa sheegtay in Al-shabaab ay ka difaacanayaan xoolahooda.