Dhaq dhaqaaqa AL-shabaab ayaa sheegay in toban Askari oo ka mid ah Ciidamada Dowladda Soomaaliya ay ku dileen Gobolka Shabeellaha hoose.

Waxa ay sheegeen in dagaal ka dhacay inta u dhaxeysa Dhanaane iyo Jaziira oo ka tirsan Shabeellaha hoose ay ku dileen Ciidamo ka mid ahaa dowladda Soomaaliya.

Al-shabab waxaa ay sheegtay in dagaal ka dhacay Waddada xeebta ah ee isku xirta Muqdisho iyo Marka ay ku dileen lix ka mid ahaa Ciidamada Dowladda.

Sidoo kale waxaa ay sheegeen in qarax miino oo ka dhacay isla degaankaas ay ku djinteen shan Askari,kuwaas oo saarnaa gaariga qaraxa lala beegsaday.

Al-shabaab ayaa ku faantay in ay gacanta ku dhigtay Gaari ciidan oo uu saaranyahay qori nooca Lidka diyaaradaha ah.

Ma jirto cid ka madaxbanaan Al-shabaab oo xaqiijisay sheegashadooda sidoo kale dowladda Federaalka ah kama hadlin warka Al-shabaab ee sheegaya in askar ka badan 10 ay ku dileen Shabeellaha hoose.